सूचना प्रविधि शाखा

नीलकण्ठ नगरपालिकाको सूचना प्रविधि शाखा डिजिटल सुशासन, प्रभावकारी सेवा प्रवाह तथा नागरिकमैत्री सार्वजनिक सेवाको प्रवर्द्धनमा समर्पित शाखा हो। यस शाखाले नगरपालिकाको वेबसाइट, ई-सेवा प्रणाली, सर्भर तथा नेटवर्क पूर्वाधार, साइबर सुरक्षा, कार्यालय स्वचालन, डिजिटल अभिलेख व्यवस्थापन, विद्युतीय हाजिरी प्रणाली, सफ्टवेयर तथा सूचना प्रणालीहरूको विकास, सञ्चालन र मर्मतका साथै सूचना प्रविधि उपकरणहरूको व्यवस्थापन गर्दछ। साथै, सूचना तथा सञ्चार प्रविधिको प्रभावकारी प्रयोगमार्फत सेवाहरूलाई छिटो, सहज, सुरक्षित, पारदर्शी र गुणस्तरीय बनाउँदै डिजिटल रूपान्तरणलाई गति दिन, कर्मचारीहरूको सूचना प्रविधि क्षमता अभिवृद्धि गर्न तथा नेपाल सरकारको डिजिटल नेपाल अवधारणा र ई-शासन (e-Governance) को प्रभावकारी कार्यान्वयनमा महत्वपूर्ण भूमिका निर्वाह गर्दै आएको छ। सूचना प्रविधिमा आधारित नवप्रवर्तन, सुरक्षित सूचना व्यवस्थापन र आधुनिक प्रविधिको प्रयोगमार्फत नगरपालिकालाई स्मार्ट, उत्तरदायी र प्रविधिमैत्री स्थानीय सरकारका रूपमा विकास गर्ने दिशामा शाखा निरन्तर क्रियाशील रहेको छ।